Դոնալդ Թրամփի վարչակազմը փետրվարի 22-ի երեկոյան էլեկտրոնային նամակներ է ուղարկել ԱՄՆ դաշնային կառավարության աշխատակիցներին՝ խնդրելով կառավարության պաշտոնյաներին 48 ժամվա ընթացքում բացատրել, թե ինչ են նրանք հասել վերջին շաբաթվա ընթացքում, հայտնում է Reuters-ը։
«Չպատասխանելը կդիտարկվի որպես աշխատանքից հեռացում»,- գրել է միլիարդատեր Իլոն Մասկը, ով ղեկավարում է Կառավարության արդյունավետության վարչությունը (DOGE): Ավելի վաղ Թրամփը Մասկին կոչ էր արել ուժեղացնել DOGE-ի աշխատանքը։
«Իլոնը հիանալի աշխատանք է կատարում: Բայց ես կցանկանայի, որ նա սկսեր ավելի ագրեսիվ գործել: Հիշեք, որ մենք պետք է փրկենք մեր երկիրը, այնուհետև այն դարձնենք ավելի բարգավաճ, քան երբևէ»,- գրել է նա իր Truth Social սոցիալական ցանցում:
«Ի՞նչ ես արել անցյալ շաբաթ» վերնագրով նամակներ ստացել են բոլոր դաշնային գործակալությունների աշխատակիցները:
Ըստ AP գործակալության՝ խոսքը «հարյուր հազարավոր» մարդկանց մասին է։
Նրանց խնդրվում է թվարկել վերջին յոթ օրվա ընթացքում իրենց աշխատավայրում ունեցած մոտ հինգ ձեռքբերումները և պատճենել դրանք իրենց ղեկավարին:
Հայաստանում, հիշեցնենք, վերջերս Փաշինյանից ստացված SMS-ներից հետո մի շարք ուժային գերատեսչությունների ղեկավարներ և ոչ միայն, հրաժարականի դիմում ներկայացրեցին, ինչը մեծ աղմուկ բարձրացրեց հանրության շրջանում:
Ամբողջական հոդվածը կարող եք կարդալ այս հասցեով՝ : https://hraparak.am/post/b5d3b06dc77471235ed5dea37f477e1a?fbclid=IwY2xjawIn-XZleHRuA2FlbQIxMQABHW4pKpBEbf7eDHWbsytepqTzRX51qcllksteoztvCoJ9XIQEKtXjQ3j7NQ_aem_8_QSD_83AGh96Zg-KPTeUw
© 2008 — 2021 «Հրապարակ օրաթերթ»
© 2008 — 2021 «Հրապարակ օրաթերթ»