«Ռուսաստանն ունի բաներ, որոնք մենք ուզում ենք». Թրամփ
ԱՄՆ նախագահ Դոնալդ Թրամփը Ֆրանսիայի առաջնորդ Էմանուել Մակրոնի հետ հանդիպմանը հայտարարել է, որ ինքն օգնում է Ուկրաինային «այնպես, ինչպես ոչ ոք նախկինում չի օգնել»։
«Մենք կարող ենք ավարտել պատերազմն Ուկրաինայում մի քանի շաբաթվա ընթացքում։ Հուսով եմ, որ Զելենսկին կգա Օվալաձև աշխատասենյակ՝ խաղաղություն ստորագրելու համար»,- նշել է նա։
Թրամփն ասել է, որ խնդիր չի տեսնում որպես խաղաղապահ Ուկրաինա եվրոպական զորքեր ուղարկելու հարցում. «Պուտինն ինձ ասաց, որ խնդիր չունի Ուկրաինայում գտնվող եվրոպական զորքերի հետ՝ որպես խաղաղության համաձայնագրի մաս»:
«Ռուսաստանն ունի այնպիսի բաներ, որոնք մենք ուզում ենք, ինչպիսիք են հազվագյուտ հողային մետաղները: Ես կգամ Մոսկվա, եթե ամեն ինչ լավ լինի. մայիսի 9-ը դեռ վաղ է:
Տեսնենք»,- ասել է ԱՄՆ-ի նախագահը: